Elke keer as ons stop om af te pak dan is ek dankbaar dat ons sleepwa-loos is. Die op en af pakkery is net soveel makliker en die draak (aka Rut) kry glad nie kans om uit te kom nie.
Van Graskop af is ons na God's window en die Pinnacle.
 |
| God's window |
 |
| The Pinnacle |
Dit was asemrowend mooi en oral was dit mooi skoon, die badkamers ook en mense was vriendelik en behulpsaam.
 |
| Lisbon Valle |
Die volgende stop was Bourke's luck se kolkgate. Dit was soos 'n paradys vir die kinders wat ewe skielik in "klip-springers" verander het sodra die "kode-woord" vir die transformasie ge-uiter is. "Charma, klippe!" En dan gebeur dit net outomaties. Die kinders is dan klipspringers en al wat ek seker maak is dat hulle nie op nat klippe of van die kranse afspring nie.
 |
| Bourke's Luck Potholes |
 |
| Bourke's Luck Potholes |
 |
| Bourke's Luck Potholes |
Die drie rondawels staan nog en was beeldskoon. Al die jong meisie-toeriste by die uitkykpunt het gelei gevoel om modelwerk te doen op die kranse met die mooi agtergrond. Die gunsteling "pose" was met hulle rug gedraai na die kamera, arms uitgestrek, titanic-styl. Idilies.
 |
| Die 3 Rondawels |
Limpopo het vir ons gelê en wag. Geduldig.
Vir die volgende paar dae het ons op 'n lemoenplaas gebly. My maatjie van laerskool dae het met 'n lemoenboer getrou en hulle het hulle huis vir ons oopgemaak "vir so lank as wat ons wil"!
 |
| Ek en Elsabe :-) |
Heerlike kuiers, heerlike kos omring met lemoen, pomelo en mango boorde was vir ons beskore en was dit nou lekker!
 |
| Op die lemoenplaas baby Letsitele |
Ons het so bietjie rondgerits die een dag, deur Magoebaskloof gery, in die Modjadji natuurreservaat gaan rondloop tussen die oerbroodbome in die reënkoningin se buurt, en pizza gaan eet naby Haenertsburg.
 |
| Oer-oue Broodbome in Modjadji se ryk |
Die reënkoningin heers oor die reservaat se broodbome. Sy is die leier van die Balobedu, en die een wie nou aan bewind is, is maar 13 jaar oud. Hulle sê sy gaan op die oomblik skool in Johannesburg.
Oppad het ons ook lekker gaan baljaar by die Debegeni waterval en op ons boude op die gladde klippe gegly tot in die poele!
 |
| By die Debegeni waterval |
Limpopo is natuurlik ook die wereld van die Boabab, oftewel die Kremetart boom.
Daar is 2 massiewes waarna ons gaan kyk het: die Sunland Boabab (hy het ongelukkig gebreek) en die een naby Leydsdorp.
 |
| Die Sunland Boabab |
 |
| Die Sunland Boabab |
 |
| Die Boabab naby Leydsdorp |
Dit was heerlik om saam met die boer rond te ry op sy plaas terwyl hy vir ons verduidelik het hoe hulle die lemoene ent op suurlemoenbome want suurlemoenbome se stamme en wortels is sterker.
By die pakhuis het die blink lemoene se magies die son wat sak weerkaats waar hulle gelê het in die water om hulle mooi af te spoel voor verpakking. Declan het in die boer se hart ingekruip en hy is gevat op skietuitstappies.
Hy het selfs sy eerste haas geskiet en hou sy haasstertjie veilig in 'n sakkie by hom in die kar.
Die dam naby die lemoenboer se huis het seekoeie in wat soms hulle drade plat trap en dit het gemaak dat Charma nie juis belang gestel het in die aand uitstappies nie
Ons laaste dag by die lemoenboere het ons spandeer by die naby geleë Eiland ATKV oord waar ons almal lekker gespeel het soos kinders en afgegly het by die super tube en die warm swembaddens geniet het.
Met bokse lemoene, pomelos, mango atchar en selfs 'n kokosneut is ons toe fort na Rustenburg gister oggend. Hier aangekom het ons by vriende gaan eet en heerlik gekuier tot laat! Trommeldik het ons huistoe gerol gisteraand en al die kaloriee opgebruik op vandag se uitstappie by Sun City! Dit was my en die kinders se eerste keer daar by die "valley of waves" en ons het behoorlik gespeel! Die tyd het verby gevlieg en voor ons ons oë kon uitvee, was dit al 4uur en het ons begin oppak.
More sal ons weer oppak en eers die dag in die Pilanesberg natuurreservaat spandeer voordat ons ry tot in Mahikeng waar my nefie vir ons slaapplek aangebied het. Ons gaan so stop en ry die hele week, en dan sal ons uiteindelik van Saterdag af in Springbok bly.
Ons. kan. nie. wag. nie!!!
By die pakhuis het die blink lemoene se magies die son wat sak weerkaats waar hulle gelê het in die water om hulle mooi af te spoel voor verpakking. Declan het in die boer se hart ingekruip en hy is gevat op skietuitstappies. 
Hy het selfs sy eerste haas geskiet en hou sy haasstertjie veilig in 'n sakkie by hom in die kar.
Opmerkings