Week 71 - Die Ooskaap

-
Die laaste week op 'n plek het 'n vreemde uitwerking op ons. Ons is gereed om te gaan in ons harte en aanbeweeg is 'n lekker vooruitsig. Maar elke keer raak ons nogal geheg aan mense. 

Laaste "surf" by "Pipe"


Ons land is vol oulike mense. Lieflike mense. Interessante mense. Dis elke keer nog lekker gewees om hulle te ontmoet en bietjie te leer ken. Dit was elke keer ook moeilik om totsiens te sê. Konneksies met mense vat dus die koek van menswees. Dit is hoër as avontuur, beter as gedenkstene en museums en soeter as vakansies. Dit maak ons lewens vol en interessant.

Niks is vir altyd nie en ons leer dit veral hierdie jaar. Dit is bittersoet. Vriendskappe loop soos seisoene - nie konstant dieselfde nie en altyd veranderend.

"Sundowners" by die hawe



Ons het hierdie week vir oulaas gaan branderplankry by "Pipe" en "Millers Point". Ons het die sonsondergang gaan kyk by Maitlands, hamburgers gaan eet by Frederick & Sons en sundowners by die hawe gaan drink. Oor en oor totsiens gesê vir mense en plekke en gewonder wanneer ons seisone weer gaan aanbreek dat ons mekaar weer sal sien. Hoopvol met 'n tikkie hartseer, want eintlik weet mens net eenvoudig nie.

Die Ooskaap is die armste provinsie in Suid Afrika en het al die eienskappe wat mens sal verwag van die provinsie met daardie status. 

Frederick & Son


Maar soos ons begin verder ry het van Port Elisabeth af na Port Alfred toe - oor die groen heuwels en verby al die mooi eenvoud van die landskap, besef ek net weer hoe mooi dit hier is. Daar is nog soveel hoop in ons hopeloosheid, soveel kans vir nuut begin, soveel genade vir die klein dingetjies. Suid Afrika is 'n pragtige plek.

Laaste "surf" by Millers


Dis 'n fees om hierdie padrit te kan deel met my man, sonder wie ons nie vreeslik ver sou kon kom nie. Hy is so 'n doener - ons dink nog en wonder hoe en wanneer, dan het hy ons klomp al in die kar en is ons reeds oppad. Met my seun wat in sy jonkheid en onskuld so dapper en sterk is in wie hy word en in wie hy is. Met my dogter wat so 'n kontras is van fyn en klein en dapper en sterk. My hart borrel oor van dankbaarheid vir die ongelooflike voorreg wat ons het om hierdie seisoen te mag hê en te kan geniet.

Port Alfred se wilde see


Ons het gister in Port Alfred aangekom en vertrek weer Vrydag hiervandaan. Die weervoorspelling lyk nie te wonderlik nie, maar ons is opgewonde om ook uiteindelik hier te wees en te gaan kyk na die skone wildsheid wat hier so volop is. Die wind waai nog die hele tyd verskriklik, en die seestrome is sterk en die golwe is groot. Ons het nog nie self gaan branderplankry nie, maar ons stap elke nou en dan see toe om te gaan kyk hoe die ander dit doen.

Massiewe sandduine

Ou "Carpark John" wat ons in Port Elisabeth 'n paar keer raakgeloop het, en na wie 'n bier by die "Beershack" vernoem is - het vir ons mooi verduidelik waar ons moet gaan branders ry. Soos altyd is die beste "surf-spots" naby rotse en waar sterk "rip-currents" is. Dit is egter nie altyd vir ONS kalliber surfer die beste plekke nie, so hy het verduidelik dat ons lekker sal surf by "Middles", wat tussen die "pier" en "Kelly's Beach" is.

Hier is Middles :-)

Vanaand het ons Bathurst toe gegaan en my skoonma se seun, Theuns gaan hallo sê. Hy het gespeel by "The Village Bistro" en toe kry ons sommer 'n lekker kuier, goeie kos en mooi musiek ook saam. Ons sal in die week weer terug gaan Bathurst toe om die groot pynappel te gaan kyk en die oulike winkeltjies en straatjies te gaan verken.

Theuns - aka "Gingi" - (undercover van Gogh :-))


Ons sien uit na die volgende deel van ons avontuur ook wat voorlê vir ons. Ons gaan volgende week opbeweeg in die binneland in en dan gaan ons weer bietjie opgaan plaas toe om uiteindelik weer bietjie in KZN en Gauteng tyd te spandeer saam met vriende en familie.

Dit gaan lekker wees :-)

Opmerkings

Plaas 'n opmerking

Gewilde plasings van hierdie blog

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels
Lees meer

Week 33 in Afrikaans - Stellenbosch, Paarl, Taalmonument

-
Prent
Hierdie week was nogal besig werksgewys en tussenin het Declan vertrek op wat seker een van die grootste avonture van sy lewe sover is. Hy het al die pad van Stellenbosch af saam met sy niggie gery, oorgeslaap op Beaufort Wes en tot in Pretoria die volgende dag. My mamma hart was maar bekommerd met tye maar tegnologie het my toegelaat om die heeltyd te weet waar hy is (google maps location sharing en natuurlik whatsapp boodskappe). Van daar af was dit 'n effense logistieke uitdaging om hom van punt na punt te kry tussen Donderdag en Maandag waartydens hy darem by 4 maatjies kon speel, en oorslaap by 3 verskillende huise voordat hy Maandagoggend (more) veilig by my sussie sal aankom in Meyerton om verder daar te kuier. Dankie tog vir goeie vriende en familie in Gauteng wat gehelp het met al die reëlings! Nou is dit net ons drietjies wat oor is in Stellenbosch en dit is maar vervelig sonder hom om die minste te sê! Vrydag kon ons onsself darem wegskeur van ons
Lees meer

Verf en verf en verf

-
Prent
Ons slaapkamer se badkamer het die vreeslikste pienk blommetjie teëls gehad. Een so teëltjie is mooi, maar as jy 'n hele badkamer met dit doen, raak dit bietjie erg vir ons 2014-oë. Ons toilet het ook nie eers gewerk nie (het nie geweet dat mens daarna moet kyk voor jy 'n huis koop nie...) Ek hoor toe dat mens oor dit kan verf en ek probeer dit toe.  Ek dog toe ek wil "kreatief" wees en die randjie hou van die tëels. TERRIBLE IDEE!! Dit lyk toe eerstens nie te great nie, en tweedens het ek universal undercoat en wit pva verf gebruik - glad nie baie slim nie, maar dis mos wat gebeur as jy MOEG is....jy word DOM...  Arme Kelina skrop toemet 'n potskuurder 2 weke lank af daaraan.... en ek begin toe van voor af.  Sy kon nie oral inkom met haar lappie nie en op 'n vriend van ons, Andre du Toit ( www.roofcoating.co.za ) se raad, skuur ek dit toe verder af met die klein "grinder" en staalborseltjie. 
Lees meer