Wie gaan wen?

-

Baie dinge het die laaste klomp jare verander.


Ek wou byvoorbeeld 20 jaar terug nie trou of kinders hê nie. 

(Dit het nie lank gehou nie.)

Ek en Pieter sou 16 jaar terug nooit kon raai dat ons op 'n padrit deur Suid Afrika sou gaan nie.

Of dat ons soveel lekker dinge hier in ons land kan aanvang nie.

Maar wat ons wel al 16 jaar terug saam gedoen het en van gehou het, was om rots te klim. Ons gunsteling plek om heen te gaan was Waterval Boven. Daar was 'n kamp plek - Elandskrans. Google maps sê hy bestaan nog, maar dit het intussen verander.




Elandskrans was die plek om te wees as dit langnaweek was. Nie so ver om te ry van Johannesburg af nie, en nie te duur om by te kamp nie. En die beste van alles is die wêreld-klas klimroetes. Ietsie vir almal, lekker maklikes vir gewone mense en dan vingers-afkou-benoude roetes vir die anders-as-ons-mense. Soos Gustav Janse van Rensburg wie Roc 'n Rope Adevntures begin in Waterval Boven, by wie se backpackers ons gaan bly het vir so paar dae. Gustav-hulle kan jou op wonderlike avonture vat in die area, maar ons het geweet wat ons daar wil doen. Ons wou klim.

Weens misdaad is Elandskrans nie meer die plek om te wees nie, maar die klimroetes is wel.


As jy nie in die dorp wil slaap by Gustav-hulle nie, dan moet jy maar by Tranquilitas gaan bly. Daar is baie om te doen by Tranquilitas ook (fietsry, staproetes, voêls kyk) maar ons het onsself alleenlik verlustig in die rotsklim. En die lekker swembad vir na-die-tyd se afkoel.

Rotsklim is bietjie soos surfing - dis 'n baie individuele sport. Meeste van wat jy aanvang, is in jou kop. Die groot vraag is - gaan jy laat vrees wen of gaan jy vertroue laat wen? Elke beweging toets jou vrees-vlakke. 

Gaan jy jou "belayer" vertrou? 

Gaan jy jou skoene vertrou om goed te klou? 

Gaan jy die rots waaraan jy klou vertrou?

Dit is seker ook heel gepas om dit met die lewe te vergelyk. Daar is baie dinge wat jy moet doen wanneer jy rotsklim om seker te maak dat jy wel veilig is. Jy moet jou klim-maat se toue en knope nagaan en hy joune. Julle moet mekaar dophou en kommunikeer. Jy moet jou toerusting ken en vertrou. Maar die belangrikste van alles is dat jy nie moet toelaat dat vrees wen nie. Want sodra vrees wen, dan maak dit nie meer saak of jy die veiligste toerusting het en die betroubaarste klim-maatjie nie. Jy gaan misluk. Net so in vandag se lewe moet ons nie toelaat dat vrees ons harte oorheers nie. Ons moet doen wat ons kan om veilig te bly (was jou hande, dra jou masker) maar as jy gaan toelaat dat vrees wen, dan gaan jy jou lewe - jou opwinding en vreugde en optimisme -  verloor.

Die eerste roete wat ons geklim het was "Little Bonsai". Ons vlakke was getoets. Maar ons het die volgende dag en die dag daarna terug gegaan vir nog. En ons het dit BAIE geniet! (gaan kyk ons youtube video - kliek hier.)

Vrees het nie gewen nie.






Opmerkings

Plaas 'n opmerking

Gewilde plasings van hierdie blog

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels
Lees meer

Verf en verf en verf

-
Prent
Ons slaapkamer se badkamer het die vreeslikste pienk blommetjie teëls gehad. Een so teëltjie is mooi, maar as jy 'n hele badkamer met dit doen, raak dit bietjie erg vir ons 2014-oë. Ons toilet het ook nie eers gewerk nie (het nie geweet dat mens daarna moet kyk voor jy 'n huis koop nie...) Ek hoor toe dat mens oor dit kan verf en ek probeer dit toe.  Ek dog toe ek wil "kreatief" wees en die randjie hou van die tëels. TERRIBLE IDEE!! Dit lyk toe eerstens nie te great nie, en tweedens het ek universal undercoat en wit pva verf gebruik - glad nie baie slim nie, maar dis mos wat gebeur as jy MOEG is....jy word DOM...  Arme Kelina skrop toemet 'n potskuurder 2 weke lank af daaraan.... en ek begin toe van voor af.  Sy kon nie oral inkom met haar lappie nie en op 'n vriend van ons, Andre du Toit ( www.roofcoating.co.za ) se raad, skuur ek dit toe verder af met die klein "grinder" en staalborseltjie. 
Lees meer

Week 53 - Ons laaste week in Mosselbaai

-
Prent
Hierdie week is die begin van ons nuwe jaar op die pad. Baie planne en gedagtes vloei deur ons huis en ons staan verstom met hoe ver ons gekom het. Vandag 'n jaar terug was ons maar nog baie op ons senuwees oor wat vir ons voorlê en nou kyk ons terug met harte wat oorloop van dankbaarheid. Ons sien uit na die jaar wat voorlê en die keer is ons meer gerus oor die moontlikhede en avonture wat vir ons wag. By die oorspronklike eerste "poskantoor" in Afrika Hierdie week voel eintlik of dit net te veel en te vinnig was. Maandag het ons die Dias museum gaan besoek en die posboom. Ek dink ons is al OP-ge museumbesoek... dit het net uitgeloop in kinders wat vreeslik honger en dors is, ons wat geirriteerd is met hulle en op die ou einde net een deurjaag-ery van punt tot punt. Iets wat wel BAIE cool was, was die skulp-versameling in een van die geboue daar. Die mooiste skulpe wat ons nog ooit gesien het en hulle name is ook daarby! Charma was sommer teleurgesteld in
Lees meer