(Week 21 In Afrikaans) - 'n Koue week in Springbok en op tot in Luderitz (Namibie)

-
Ek wens partykeer my oë was kameras. Dan kon ek elke beeldskone oomblik vashou en onthou. My foon se kamera en my vinger-op-die-knoppie-kry is net te stadig om alles vas te vang wat ons sien so in die verbyry.
Ek het letterlik nie woorde om hierdie mooie plek te beskryf nie.

Ons week in Springbok was ysig koud. Ek weet nie of dit normaal is nie maar dit is absoluut onverwags. Nêrens in my gedagtes het die moontlikheid ooit opgekom dat ons in Springbok in September minus temperature gaan beleef nie. Dank die Vader ons het ons slaapsakke nie ook in die sleepwa op die plaas gelos nie, anders sou dit darem erg gewees het. Ons het almal heelweek ons warmste klere gedra. Dit was ook die eerste keer wat ek na my eie huis verlang het.



Ons het besluit om die naweek in Namibië in te ry. By die Vioolsdrif grenspos ingegaan en oor die Oranjerivier gery tot in Namibië. Al langs die Visrivier langs en deur Rosh Pinah. 



Op tot in Luderitz. Tussen al die droë dorheid het ons 'n magdom voëls gesien. Groot voëls soos reiers en arende en ooievaars. Hulle was so volop dat die skape ook naderhand vir my soos voëls begin lyk het.
'n Silwerstert eekhoring (ek weet nie wat sy naam eintlik is nie, maar sy stert was silwer) het oor die pad gehardloop en geleidelik het die dorre rots-berge verander in golwende sandduine rondom ons. Die pad was lank en ver maar dit was pragtig rondom ons.


In Luderitz slaap ons by 'n backpackers. Dis darem bietjie warmer hier maar ons waai behoorlik weg! Die "locals" hier steek nie eers hulle neuse by die deure uit nie wat nog te sê rondloop op dae soos die!


Maar ons het. Eers het ons die dorp plat gestap en nadat ons ons padkos opgeëet het toe klim ons in die kar en ry tot by Dias se kruis. Die wind het amper vir Charma weggewaai so sy het nie tot by die kruis gestap nie. Ons het ook 'n skeepswrak gesien en 'n KLOMP flaminke! 


En net toe ons dink dit kan nie beter nie, kom swem 'n rob in die vlak golwe hier by ons! Dit was amazing!
Ons is vandag ook nog in Luderitz en more sal ons begin terugry. Ek hoop ek onthou alles wat ons gesien het.. (wat ek nie met my foon kon afneem nie)...die jakkals wat om die hoek vir ons gewag het, die pikkewyne en robbe wat naby Dias se kruis op 'n eiland gespeel het, die snaakse manier wat die flaminke weggevlieg het as ons te naby aan hulle gekom het.

xxxxxxxxxxxxxxxxxxxxxxxxxxxxxxxxxxxxxxxxxxxxxxx

Opmerkings

Plaas 'n opmerking

Gewilde plasings van hierdie blog

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels
Lees meer

Verf en verf en verf

-
Prent
Ons slaapkamer se badkamer het die vreeslikste pienk blommetjie teëls gehad. Een so teëltjie is mooi, maar as jy 'n hele badkamer met dit doen, raak dit bietjie erg vir ons 2014-oë. Ons toilet het ook nie eers gewerk nie (het nie geweet dat mens daarna moet kyk voor jy 'n huis koop nie...) Ek hoor toe dat mens oor dit kan verf en ek probeer dit toe.  Ek dog toe ek wil "kreatief" wees en die randjie hou van die tëels. TERRIBLE IDEE!! Dit lyk toe eerstens nie te great nie, en tweedens het ek universal undercoat en wit pva verf gebruik - glad nie baie slim nie, maar dis mos wat gebeur as jy MOEG is....jy word DOM...  Arme Kelina skrop toemet 'n potskuurder 2 weke lank af daaraan.... en ek begin toe van voor af.  Sy kon nie oral inkom met haar lappie nie en op 'n vriend van ons, Andre du Toit ( www.roofcoating.co.za ) se raad, skuur ek dit toe verder af met die klein "grinder" en staalborseltjie. 
Lees meer

Week 51 - Tweede week in Mosselbaai, kuiers in Gauteng en 'n padrit na Stilbaai

-
Prent
Maandag moes ek vroeg opstaan en betyds wees vir 'n vergadering in Johannesburg. Ek en Charma het mos oorgeslaap by my ma-hulle in Daleside nadat ons deurgevlieg het Johannesburg toe die vorige Saterdag (sien laasweek se blog hier ) Ek het gereken 'n uur sal meer as genoeg wees om die skamele 67 km te ry soontoe. Die vergadering het immers eers 9uur begin. Maar ek het dit ongelukkig onderskat. Gauteng se verkeer: 1. Rut: 0 Pieter se uitsig vs my uitsig Dinsdag middag Ek was dus laat vir my vergadering. Die res het heel goed afgeloop en die rytyd terug was 40 minute. Ek het by my sussie in Meyerton gaan kuier en ons was in die wolke oor al die familie wat ons so lank terug laas gesien het. Dinsdag oggend se vergadering was darem eers geskeduleer vir 10uur. Ek was die keer vroeg en die vergadering het ook heel goed afgeloop. (Rut: 1 Gauteng verkeer: 0) Ek het die nuwe toevoeging tot ons werk-familie gaan ontmoet (Connor is in Oktober laasjaar gebore!) en toe het
Lees meer