Week 5 - In Afrikaans

-
Hierdie week was lekker vol gewees. En yskoud.
Ek wens ons kon vir Charma die sneeu gaan wys het wat net so ent weg in die drakensberge geval het die week.
Maar ons was bietjie besig. Meestal met skoolwerk en "werk" werk maar darem het ons lekker goed ook gedoen.
Declan het hierdie week 2 praatjies uitgewerk vir assesering, die een was oor die "Secret San" oor wie ons bietjie geleer het by Nottingham Fort. Sy ander praatjie was een waarin hy instruksies en 'n demonstrasie gegee het hoe om 'n kompas te maak. Dit was nogal oulik.

'n Groot lekkerte die week en nuwe ondervinding vir die kinders was om na die veiling toe te gaan op Normandien. My skoonma doen die kos stalletjie en ons het gaan help in die kombuis met broodjies maak, jaffels maak, kerrie en rys opskep en verkope.


Charma was absoluut "in awe" van alles. Die beeste wat van die trokke afgejaag word in die hokke in, die man wat so snaaks praat as die veiling begin en oupa wat die skaal beheer.


Hier by die huis is Pieter besig om vir ons 'n rak te bou om bo-op ons sleepwa te sit sodat daar meer spasie binne in die kar is wanneer ons ver ente moet ry. Hy is darem maar 'n slimmie. Hier op die plaas is ook darem lekker plek en gereedskap vir dinge bou.


Declan het ook geleer oor elektriese stroombane en het probeer om 'n baan te bou om 'n gloeilamp te laat brand... dit het ongelukkig nie gewerk nie.
Ons plan was om die naweek weer Mont Pelaan aan te pak, maar toe oorval die wolke (en die koue) ons en die Saterdag (gister) was toe lekker lui spandeer in en om die huis.



Vandag was egter oopgetrek en die dag het ons uit die huis uitgeroep.
Ons het Newcastle omgery, oor die Buffelsrivier brug ('n erfenisterein) deur Utrecht ('n dorpie binne in 'n natuurreservaat) tot by die Bloedrivier Monument.


 Die kinders was heel entoesiasties oor die (nuut in hulle wêreld) storie van Dingaan en Piet Retief en Sarel Cilliers en Andries Pretorius en die wonderwerk wat God daai dag vir die Trekkers gedoen het. 


Mens loop met 'n bruggie oor Bloedrivier na die Ncome Monument as 'n teken van versoening en waar daar 'n museum is en uitstalling wat die Zoeloes se kant van die storie vertel. Ongelukkig was alles toegesluit en redelik verniel. Dis jammer dat dit so gelyk het.


Blykbaar word daar nou nog elke jaar op 16 Desember geloftedag gevier op die terrein waar die bronsbeelde van die ossewaens staan. Aan die anderkant van die rivier word daar ook saamgekom om die dag te herdenk.


Oppad terug het ons deur Dundee gery. By Talana museum gestop en die pragtige museums gesien. Charma sê sy "love" die museums, want hulle het sulke mooi ou goed in. Veral oorbelle.




Deur Dundee gery het ons by die ou AGS kerkie verby gery wat eers 'n metodiste kerk was vanaf 1899 en gedurende die  Anglo Boere oorlog 'n hospitaal was.
AGS kerkie Dundee
Die landdroshof se geboutjie is ook mooi en is blykbaar die enigste een in die land wat koning Edward VII se wapen dra.
Landroshof
Die anglikaanse kerk is in 1898 gebou en in sy kerhof lê die brit, genl Penn Symons begrawe  (hy was die bevelvoerder van die britse magte gedurende die slag van Talana).


Daar is die mooiste ou NG kerk wat deur G Moerdyk ontwerp is. Daar is ook 'n Anton van Wouw beeld en gedenkplaat vir die boere wie dood is by Talana.
NG Kerk Dundee

NG Kerk Dundee
Die Biggarsberg Unity Lodge was blykbaar voor die vryheidsoorloë 'n teater. 


Ons het heelpad terug wes gery en het die sonsondergang gesien. 


Mont Pelaan het heelpad vir ons gelag.

Opmerkings

Charne het gesê …
My Ma het altyd foto's van kerke geneem oral waar hulle gery het! Ek het haar liefde geërf so kyk vreeslik lekker na jou foto's. Jou 'Secret San' het my laat onthou van 'boesman' tekekninge op skollpêlle se plaas naby Nelspruit. Mens moes weet waar in die bergeom te gaan kyk, maar dit was fantasties! Ek wonder of iemand nog weet waar dit was...ek lees en kyk tog alte lekker al jou stories en prentjies ;-)
24 Julie 2018 om 20:16
Plaas 'n opmerking

Gewilde plasings van hierdie blog

Kersfees-koekies!

-
Prent
Ek en my niggie Keara-Lin dreig nou al 'n rukkie om koekies te bak vir kersfees. So sy het toe uiteindelik gister die hele dag hier by my kom kuier en ons het 2 bakke vol koekies gebak! Ons het eers 'n Golden Cloud boks-koek gebak en cupcakes gemaak van dit Kyk net hoe mooi lyk dit! Dis nou nie - "food-magazine" kwaliteit nie, maar goed genoeg vir my blog, dink ek! Daar moes toe natuurlik ook tee-tyd gehou word! Toe begin ons met die soetkoekies - altyd 'n wenner!  Keara bestudeer haar handewerk met 'n kritiese oog - Kyk net hoe mooi :-) Die volgende batch was biscotti -- mmmmmmmm----  eweredig verdeel... :-P Feast your eyes! En laastens vanilla crescents Al die resepte wat ons gebruik het is op my pinterest-profile: http://pinterest.com/rutcloete/christmas-cookie-time/
Lees meer

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels...
Lees meer

Travelling through South Africa - some things we've learnt about self-catering accommodation

-
Prent
simple things make us happy - like having a "braai"  When we set off on our adventure, we had already decided (after some investigations) that the camping options in South Africa are simply too expensive to consider for a year long roadtrip. So we have been staying in self catering units these past few months, except for when we actually did camp at St lucia. We are currently in our fourth month and we have learnt some things along the way regarding self catering units in South Africa. 1. Everyone's standard of cleanliness is not the same. To overcome this, we have formed a habit of travelling with cloths and handy andy to clean where necessary. The funny thing is that most places do not place a broom or a mop in the unit so cleaning remains a challenge. We have stayed in a few places where the cupboards were puke-invokingly dirty... not sure how that works.. but anyway. 2. The basics are not always provided. You'd think that any plac...
Lees meer