Week 27 in Afrikaans - Cederberge (Kunje Gasteplaas)

-
Hierdie week het ons in die Cederberge gebly in 'n eenvoudige huisie op 'n plaas. Ons was weggesteek tussen bome en rotse met baie geheime speelplekke.



Daar was so baie dinge op ons lysie wat ons wou gaan kyk as ons in hierdie omgewing is, maar dit wat direk om ons was, was net te aanloklik so ons het die hele week net op die plaas gebly.

Oppad hierheen vanaf Lambertsbaai het ons in Clanwilliam gestop en die tronkmuseum en die rooibostee fabriek asook die skoenmaak fabriek besoek. Die plant waarvan rooibostee gemaak word kom natuurlik net in die Cederberge voor. Dit was vir ons baie interessant om te leer hoe die proses werk van die plant tot by die maak van die tee in die boksie. Die fabriekwinkel het 'n lekker "smoothie" van rooibostee wat 'n lafenis was in die amper 40 grade celsius daardie dag!

Die skoenfabriek was ook baie oulik- hulle maak regte leerskoene en die hele proses van die leer wat uitgesny word tot waar die sole opgeplak en gesny word was reg voor ons oë gedemonstreer. Ons was toegelaat om in die fabriek rond te loop terwyl die mense hulle werk doen en dit was sommer lekker om die leer so om ons te ruik en te voel en te sien.


Ons het hierdie week maandeindes gedoen vir al ons kliënte so elke dag was maar meeste van die dag binneshuis gespandeer om administratiewe werk gedoen te kry en dan wanneer ons 'n kans kry gaan spring ons in die kuil hier naby ons. Te lekker! 

Elke aand het ons 'n lekker vuurtjie gebou en kos gemaak en dan tot laat in die aand uit "Kringe in 'n bos" gelees. Ons leef onsself so in die storie in dat almal al lelike goed van Macdonald (die houtkoper) sê en vir Saul aan "cheer" wanneer hy opstaan en veg. Die hele dag deur word ek tussenin alles gepeper met vrae van Declan af soos "Het Kate toe saam met Saul weggeloop, ma?"... of "Ek dink hierdie kareeboom is 'n goeie boom om in weg te kruip vir 'n olifant, nê ma?"... of "Was daai nou 'n Knysnaloerie wat gesing het, ma?"... dis net Charma wat nie regtig so geinteresseerd in die storie was nie... totdat sy besef het Kate en Saul is verlief, toe sien sy net soos ons uit na die volgende hoofstuk.

Saterdag het ons 'n kort staproetetjie gedoen wat hulle "speelgoedland" gedoop het. Die verskillende rotsformasies lyk omtrent soos 'n reus se speelplek en ons het lekker geklouter tussen die rotse saam met die kids.

Vandag het die kinders gevra ons moet die hele dag by die water wees en swem en piekniek hou, so dit doen ons toe. Ons sien toe vir die eerste keer 'n ander paadjie daar naby raak en toe ons hom volg, kom hy by 'n NOG mooier kuil uit waar ons die res van die dag toe speel. Die kuile is BAIE diep wat beteken het ons kon lekker afspring van hoë rotse af. Terwyl Pieter op een stadium teen nog steiler ritse uitklim om van 'n NOG hoër rots af te spring, toe begin Declan vreeslik tekere gaan en skree "daar's 'n bobbejaan... ag 'n tasmanian devil... ek bedoel... ek bedoel...!"... en toe ek hom raaksien, toe is dit 'n otter! Die arme otter skrik toe so groot vir ons dat hy die bosse in vlug!

Ons gaan more Sutherland toe ry en daar bly tot Donderdag toe. Ons hoop om bietjie van die sterre te leer voor ons Donderdag Langebaan toe gaan xxx

(Kyk bietjie ons youtube video oor Kunje hierso: https://youtu.be/qDv8iEkXgFQ

Opmerkings

Plaas 'n opmerking

Gewilde plasings van hierdie blog

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels...
Lees meer

Kersfees-koekies!

-
Prent
Ek en my niggie Keara-Lin dreig nou al 'n rukkie om koekies te bak vir kersfees. So sy het toe uiteindelik gister die hele dag hier by my kom kuier en ons het 2 bakke vol koekies gebak! Ons het eers 'n Golden Cloud boks-koek gebak en cupcakes gemaak van dit Kyk net hoe mooi lyk dit! Dis nou nie - "food-magazine" kwaliteit nie, maar goed genoeg vir my blog, dink ek! Daar moes toe natuurlik ook tee-tyd gehou word! Toe begin ons met die soetkoekies - altyd 'n wenner!  Keara bestudeer haar handewerk met 'n kritiese oog - Kyk net hoe mooi :-) Die volgende batch was biscotti -- mmmmmmmm----  eweredig verdeel... :-P Feast your eyes! En laastens vanilla crescents Al die resepte wat ons gebruik het is op my pinterest-profile: http://pinterest.com/rutcloete/christmas-cookie-time/
Lees meer

Travelling through South Africa - some things we've learnt about self-catering accommodation

-
Prent
simple things make us happy - like having a "braai"  When we set off on our adventure, we had already decided (after some investigations) that the camping options in South Africa are simply too expensive to consider for a year long roadtrip. So we have been staying in self catering units these past few months, except for when we actually did camp at St lucia. We are currently in our fourth month and we have learnt some things along the way regarding self catering units in South Africa. 1. Everyone's standard of cleanliness is not the same. To overcome this, we have formed a habit of travelling with cloths and handy andy to clean where necessary. The funny thing is that most places do not place a broom or a mop in the unit so cleaning remains a challenge. We have stayed in a few places where the cupboards were puke-invokingly dirty... not sure how that works.. but anyway. 2. The basics are not always provided. You'd think that any plac...
Lees meer