Week 33 in Afrikaans - Stellenbosch, Paarl, Taalmonument

-
Hierdie week was nogal besig werksgewys en tussenin het Declan vertrek op wat seker een van die grootste avonture van sy lewe sover is.

Hy het al die pad van Stellenbosch af saam met sy niggie gery, oorgeslaap op Beaufort Wes en tot in Pretoria die volgende dag. My mamma hart was maar bekommerd met tye maar tegnologie het my toegelaat om die heeltyd te weet waar hy is (google maps location sharing en natuurlik whatsapp boodskappe).

Van daar af was dit 'n effense logistieke uitdaging om hom van punt na punt te kry tussen Donderdag en Maandag waartydens hy darem by 4 maatjies kon speel, en oorslaap by 3 verskillende huise voordat hy Maandagoggend (more) veilig by my sussie sal aankom in Meyerton om verder daar te kuier.

Dankie tog vir goeie vriende en familie in Gauteng wat gehelp het met al die reëlings! Nou is dit net ons drietjies wat oor is in Stellenbosch en dit is maar vervelig sonder hom om die minste te sê!
Vrydag kon ons onsself darem wegskeur van ons rekenaars af om bietjie te verken. Ons het by die informasie kantoor 'n kaart opgetel en 'n "stap" roete beplan rondom van die mooi ou geboue in die dorp (Stellenbosch).  (Die ou St Mary kerk, die Rynse sendingkerk en pastorie, die Braak (dorpsplein) die koringmeul en die NG kerk. Die dorpsmuseum was nogal 'n belewenis met huisies wat nog staan van die 1700's af!


Gister het ons vinnig na oom Samie se winkel toe gegaan wat in ons Suid Afrika boek gelys is as 'n besienswaardigheid in Stellies. Van daar af is ons weer Paarl toe vir die dag. Ongelukkig was al die museums in die Paarl toe! Die dorp is vol van die moooste ou geboue, maar fotos is maar min, want my foon het weer die gees gegee. Die strooidakkerk is waar Piet Retief gedoop is en het grafte in die kerkhof uit die 1800's uit.

Ons het kaartjies gekoop vir die sterrekyk piekniek wat by die taalmonument gehou is, en terwyl ek en Pieter met 'n glasie wyn in die hand onsself verkyk het aan die mooiste sonsondergang wat ins in 'n lang tyd gesien het (geen foto nie, jammer... Pieter se foonbattery was pap) kom bied die vriendelike restaurant eienaar vir ons 'n kombersie aan en sê hoe mooi Tafelberg gaan lyk om 19h47. Dis toe die eerste keer dat ons besef ons staar vir die ikoon van 'n berg al die pad van Paarl af! Die wolk "vadoek" (soos Charma sê) het hom heeltemal gekamoefleer vir ons!

Vandag was 'n luilekker dag by die huis. Ons het 'n verassingskuiertjie met my boetie en sy vrou gehad en dit was so lekker om bietjie bekende geselskap te hê.
Ek en Charma het bietjie verder gewerk aan ons youtube videos - dis nogal lekker om alles weer 'n keer te beleef wanneer ons deur die videos en fotos gaan in die proses.

Ons dink en droom en filosofeer so tussenin oor ons planne vir volgende jaar en waarheen ons sal gaan en wanneer ons sal terugkeer huistoe... Alhoewel dit nou baie lekker sou gewees het om kersfees en nuwe jaar by familie en vriende te wees, dink ons dat ons dalk nog sal uithou tot einde volgende jaar met ons toer. Ons sal van Januarie af verder al langs die kus toer in die rigting van die Ooskaap, dan beland ons waarskynlik in die winter weer in KZN waar ons begin het.

Opmerkings

Plaas 'n opmerking

Gewilde plasings van hierdie blog

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels...
Lees meer

Kersfees-koekies!

-
Prent
Ek en my niggie Keara-Lin dreig nou al 'n rukkie om koekies te bak vir kersfees. So sy het toe uiteindelik gister die hele dag hier by my kom kuier en ons het 2 bakke vol koekies gebak! Ons het eers 'n Golden Cloud boks-koek gebak en cupcakes gemaak van dit Kyk net hoe mooi lyk dit! Dis nou nie - "food-magazine" kwaliteit nie, maar goed genoeg vir my blog, dink ek! Daar moes toe natuurlik ook tee-tyd gehou word! Toe begin ons met die soetkoekies - altyd 'n wenner!  Keara bestudeer haar handewerk met 'n kritiese oog - Kyk net hoe mooi :-) Die volgende batch was biscotti -- mmmmmmmm----  eweredig verdeel... :-P Feast your eyes! En laastens vanilla crescents Al die resepte wat ons gebruik het is op my pinterest-profile: http://pinterest.com/rutcloete/christmas-cookie-time/
Lees meer

Travelling through South Africa - some things we've learnt about self-catering accommodation

-
Prent
simple things make us happy - like having a "braai"  When we set off on our adventure, we had already decided (after some investigations) that the camping options in South Africa are simply too expensive to consider for a year long roadtrip. So we have been staying in self catering units these past few months, except for when we actually did camp at St lucia. We are currently in our fourth month and we have learnt some things along the way regarding self catering units in South Africa. 1. Everyone's standard of cleanliness is not the same. To overcome this, we have formed a habit of travelling with cloths and handy andy to clean where necessary. The funny thing is that most places do not place a broom or a mop in the unit so cleaning remains a challenge. We have stayed in a few places where the cupboards were puke-invokingly dirty... not sure how that works.. but anyway. 2. The basics are not always provided. You'd think that any plac...
Lees meer