Week 29 in Afrikaans - Langebaan

-

Die strandmeer hier in Langebaan is 'n pragtige plek. Ons stap graag so teen die strand af al langs die meer of vat ons koppie koffie en gaan sit op die bankie wat uitkyk oor die water. Daar is 'n eiland reg voor ons wat "Schaapeneiland" genoem word en dit lyk asof dit lekker sal wees om rondom hom te swem een dag. Die robbe kom speel ook gereeld hier in die rustiger water en wanneer die wind opsteek (soos dit elke dag doen) is die kite-surfers volop. Die wind waai omtrent altyd en dit vat tyd om gewoond te raak aan die koue (van die wind) so deur die hitte (van die son)... alhoewel die water hier baie warmer is as by enige van die ander weskus strande hier rond.
Woensdag het Pieter summier besluit ons moet 'n surfboard gaan koop, en ons pak toe die amper 2 ure se ry aan na Blouberg toe. Ons sal uiteindelik almal graag wil probeer om te surf, en daarom was dit nodig dat die bord nie net groot genoeg sal wees vir Declan nie, maar ook vir Pieter moet kan hou. Hy koop toe die 8' een. Ongelukkig beteken dit natuurlik dat Declan soos 'n dwergie lyk teen die bord.

Met 'n surfboard moet daar gesurf word en daarom bevind ons onsself toe die res van daardie dag by "Big Bay" naby Blouberg. In die proses het die sterre in die manne se oë net soveel vermeerder as die hoeveelheid seesand in die kar. Ek en Charma het meeste van die middag spandeer deur dop te hou hoe 'n 8' surfboard oor die golwe ry met Declan soos 'n dapper sandkorrel teen hom vasgeplak.
Vrydag het Charma amptelik klaar gemaak met graad 1 en ek en sy het dit gevier deur die hele dag op die strand te gaan speel. Dit was baie lekker en die weer was ook perfek daarvoor. Een van die robbe wat ons dopgehou het heelweek het tot amper reg by ons kom swem.

Saterdag wou ons die dag spandeer by die Weskus Nasionale Park, maar toe ons die oggend daar aankom is die park toe agv 'n fietsrywedren wat plaasgevind het tot 13h00 daardie middag. Ons ry toe maar Jacobsbaai toe en die manne probeer weer bietjie "surf". Ek en Charma het met die "boogie boards" ingegaan maar die water was so koud dat ons bene gepyn het! Die manne het toe darem ook begin koud kry so toe ry ons die res van die dag rond en kyk na die pragtige plekkies al langs die kus af.

Kraalbaai, vertel almal ons nou al vandat ons hier aangekom het, is ons eie klein Mauritius. Helder, warm water en min of geen wind nie. Dit klink bietjie moeilik om te glo as jy kyk op google maps waar dit is van waar ons is... maar kan jy glo - dit is presies net soos almal beskryf het! Wat 'n mooie plek!

Vandag het ons saam met vriende oor duine-paadjies gery tot by 'n weggesteekte strand naby Paternoster en die hele dag net daar op die strand gekuier. Pieter en Declan het weer die surf-ding probeer so met die ontstuimige branders saam, maar die heel mooiste was dat daar 'n skool dolfyne en 'n rob reg voor ons in die branders baljaar het! Dit het gelyk asof hulle vir Pieter hulle probeer wys wat 'n mens eintlik veronderstel is om in die branders te doen.

Opmerkings

Plaas 'n opmerking

Gewilde plasings van hierdie blog

Kersfees-koekies!

-
Prent
Ek en my niggie Keara-Lin dreig nou al 'n rukkie om koekies te bak vir kersfees. So sy het toe uiteindelik gister die hele dag hier by my kom kuier en ons het 2 bakke vol koekies gebak! Ons het eers 'n Golden Cloud boks-koek gebak en cupcakes gemaak van dit Kyk net hoe mooi lyk dit! Dis nou nie - "food-magazine" kwaliteit nie, maar goed genoeg vir my blog, dink ek! Daar moes toe natuurlik ook tee-tyd gehou word! Toe begin ons met die soetkoekies - altyd 'n wenner!  Keara bestudeer haar handewerk met 'n kritiese oog - Kyk net hoe mooi :-) Die volgende batch was biscotti -- mmmmmmmm----  eweredig verdeel... :-P Feast your eyes! En laastens vanilla crescents Al die resepte wat ons gebruik het is op my pinterest-profile: http://pinterest.com/rutcloete/christmas-cookie-time/
Lees meer

The best surfing spots in South Africa along the West Coast (so far)

-
Prent
We have been road tripping South Africa for the last 10 months now, mostly along the coast. While we were in KZN, our son went for surfing lessons and the feeling was so awesome, he kept bugging us to get to more surfing spots and surf again. We eventually listened to him and bought a surfboard while we stayed in Langebaan. So, here is a newbie's opinion of where to surf along the West coast, starting in Langebaan. 1. Langebaan We stayed in Langebaan for a whole month in November 2018. We surfed in front of Kokomo's restaurant, where the waves were small enough to handle... or completely non-existent. Langebaan is one of the best places to windsurf and kitesurf... but since we did neither of the two - it wasn't one of our best places to surf. If you are a newbie and wanting to surf, we would recommend going to Muizenberg for that. Langebaan 2. Jacob's Bay We spent a day or two at Jacob's Bay, where there are only a few people and houses, so it feels...
Lees meer

Travelling through South Africa - some things we've learnt about self-catering accommodation

-
Prent
simple things make us happy - like having a "braai"  When we set off on our adventure, we had already decided (after some investigations) that the camping options in South Africa are simply too expensive to consider for a year long roadtrip. So we have been staying in self catering units these past few months, except for when we actually did camp at St lucia. We are currently in our fourth month and we have learnt some things along the way regarding self catering units in South Africa. 1. Everyone's standard of cleanliness is not the same. To overcome this, we have formed a habit of travelling with cloths and handy andy to clean where necessary. The funny thing is that most places do not place a broom or a mop in the unit so cleaning remains a challenge. We have stayed in a few places where the cupboards were puke-invokingly dirty... not sure how that works.. but anyway. 2. The basics are not always provided. You'd think that any plac...
Lees meer